من طرف بوفراس الخميس سبتمبر 03, 2009 9:16 pm
( المشهد الاول )
.
ومات
لفظ آخر نفس عنده
ماتشهد ..!!
هو ماتعمد
بس اغترابه ... والسنين
خلت افكاره ... تًـبدد
اضعف ... من اضعف ... مايكون
ذبلت ايدينه .. ورجله
وانتهى شوف العيون
وتمـــدد
...
كانت الساعه 12
تو مادرى بموته احد .. ولاصار هالشارع ... نعش
مات .. وهو بعز العطش ..!!
والمدينه مثل ماهى
ماتغير شى فيها
الكــل لاهى
ماخفف بموته اهازيج المراقص ... والملاهى
يعتلى نور الشوارع كل الاحاسيس الحزينه
والمدينه ... ماله وجود الا الفرح
فى هــــ المدينه
حتى الاصوات الى تصرخ من بعيـــد
كلها ضحك واغانى
كان ازدحام الليل ... مثل ارتفاعات المبانى
ومـــ اجتمع حوله احد ...!!
ولاكتب عنه احد
ولارثوووه
مرو عليه اشكال واشكال
صمتوا لحظه وبعده .... تركوه
يمكن لأنه اسخف واتــفه بشر
بالمدينه صادفوه
كان يحمل فى يدينه ... كل معاناة اغترابه
ومات وحده ..... ياعذابـــــه
ماهو شى وتنشره ... كل صفحات الكوارث
ولاهو حادث ينذكر ضمن عامود الحوادث
وحدها اوراق الخريف
الى كانت عالرصيف
عرفت انه رحل
مر وقت ولاجمعها ..... عامل التنظيف
والمصيبه
الموت عندهم ماهو مصيبه
واحد رحل ...!!
والكل يقول هذا ... نصيبه
الا واحد من بعيـــــد .. كان يشاور لصدقائه
تعرفون
وشــ نهايه الى مـــامجًد غبائه ...؟؟
ذاك واحد .. جا لهالدنيا ورحل
ماملك حتى التراب الى تعلق فى حذاءه
.
" كان عايش فى بلاده من زمان
مايشتكى هم الزمان
ماحلم انه يكون .... الا مثل ماكان
نفس الشكل .. نفس المكان
بس خذلوووه
واحد ورى واحد ... لين راحوا كلهم ... وتركوه
وصار يفكر"
الدنيا مليانه بشر
شنهو انا مابينهم ...!!
الدنيا بعيونى تعب
شــــ الدنيا بعيونهم ..؟؟
ماعرفت بـــ هالحياه ... الا انى اشتغل
وبعد الشغل ارتاح
مو عــ شان ارتاح
بس عــ شان ارجع بعد طول التعب
واشتغل
وكل هذا بس لأنى ودى اعيش
كل ماجمعت بدنيتى ... قطعه من لحاف .. وعريش
ليش اشتغل ..؟؟
ومن الاساس ليش اعيش ...؟؟
وفكر يسافر
خلاص ماعاد اهو ذاك الوفى الصابر
بالفعل راااح
لملم اشياءه .. وترك خلفه المبادىء والتعب
وقال ابــــــرتاح